【坐月補身指引——大補期🌳】



好多媽媽因為時間嘅關係⏰,補完溫補期( 順產:13至45日;開刀:22-60日)就覺得任務完成,但其實如果媽媽想身體更好🏃🏻‍♀️,改善以前舊有嘅問題的話(如:經痛、怕凍、宮寒),俾多啲時間同心思坐月坐夠100日的話💆🏻‍♀️,身體質素真係會好好多。 進入大補期🌳(順產: 46至100日;開刀: 61至100日)通常傷口都會痊癒哂,可以放心食行氣活血但補而不燥嘅食物😋,例如冬蟲夏草、花旗參、高麗參等。 眾多名貴補單當中以冬蟲夏草效果最好,因為佢最能夠做到補而不燥、滋陰補氣嘅效果✨,適合任何體質嘅人士食用,更適合任何時期嘅坐月媽媽食用💁🏻‍♀️🤱🏻,因為功效顯著,所以冬蟲夏草會比較昂貴,由於未必所有人都能夠長時間負擔,所以喺身體底子打好後💪🏻,再用冬蟲夏草喺大補期補身🍲,媽媽會更加吸收。如果能負擔的話,於溫補期同大補期都用蟲草補身🥣,效果係培增。因為媽媽喺生產及照顧BB👶🏻嘅過程都係十分消耗元氣、傷神同疲倦🙍🏻‍♀️,所以補氣嘅冬蟲夏草係十分適合,有體質敏感嘅客人飲完冬蟲草湯之後,有元氣大增嘅感覺🧘🏻‍♀️,所以有需要嘅媽媽係好值得投資多少少去進補。 花旗參同高麗參都有補元氣、增強免疫力、令身體復原得更好嘅功效💪🏻,不過要注意嘅係高麗參偏溫,而花旗參偏涼,使用佢地進補時要留意體質同天氣☀️⛄️,例如夏天就最好唔好大量飲用高麗參,會令媽媽身體變得燥熱🔥。另外,參類食材有可能會有退奶嘅功效,餵人奶嘅媽媽🤱🏻就需要多加留意啦。 最後提提各位💡喺進補期間要時刻留意自己同BB(如餵人奶的話)嘅身體狀況,例如有冇失眠、瞓得差🛌、生暗瘡、BB生粒粒、BB睡眠質素有影響👶🏻等,如果有的話,就有可能太補或食錯咗食材啦。如有疑問,最好都係尋求返自己相熟嘅家庭醫生或中醫師👩🏻‍⚕️👨🏻‍⚕️,咁就最為安心👍🏻。


Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.