【坐月補身指引——清補期🌱】

更新日期:3月 4



懷孕時期補身重要,但產後媽媽嘅坐月補身都不容忽視👶🏻,因為呢個唔單止係媽媽「重生」嘅機會,更加會影響媽媽嘅情緒🧘🏻‍♀️、上奶同身體,而且坐月補身程序較為複雜,所嚟緊會有好幾篇文章,俾有需要嘅媽咪參考一下📒,雖然有少少長氣,但最好都係耐心睇晒佢,希望幫到勞苦功高嘅媽媽🤱🏻。 產後補身分為清補🌱(順產: 1至12日;開刀:1至21日)、溫補🌿( 順產:13至45日;開刀:22-60日)同大補期🌳(順產: 46至100日;開刀: 61至100日)。要注意嘅係,💡不論邊個時期嘅進補,最好都係奉行少食多餐嘅原則🍱,唔可以食得太快同太多,進補亦都不宜操之過急,如果食完某啲補品身體覺得不適的話,就要盡快諮詢醫生嘅意見👩🏻‍⚕️,由於每個時期嘅補身細節都好唔同同複雜,所以今次會先講清補期💁🏻‍♀️: 🌱清補期(順產: 1至12日;開刀:1至21日) 呢個時間係以排清惡露為首要目標💪🏻,唔少媽媽一生完就想搵我地買湯進補,但我哋都一定會叫媽媽等一等先,因為一日惡露未排清都避免進入補身階段🙅🏻‍♀️。清補期嘅飲食以清淡、有營養同均衡為主🍲,唔需要刻意去食補品,因為身體未完全復原,好難去吸收,更切忌食行氣活血嘅食物🩸,例如當歸、酒或過量嘅薑,因為有機會令媽媽熱氣、出血過多或令惡露較難排清。 食物🍱 媽媽可以喺清補期多食米飯🍚,因為米飯可以補氣,特別係早餐時間食少少飯,有助回復精神同上奶🤱🏻,亦令媽媽更有精神去照顧BB,如果怕白飯升糖指數高的話,可以用紅米或糙米取代白飯,仲可以吸收更多纖維🥗。 餸菜🥬

保持多食新鮮同五顏六色嘅蔬菜🌽,以確保吸收到唔同營養,肉類則以白肉為主🐟🐖🐓,因為紅肉食得多有機會燥熱,亦唔好淨係食雞或食太多雞,因為雞係屬於溫補食物,而香港氣候比較濕熱🥵,食太多容易熱氣,同時要避免食冰冷、寒涼、辛辣同過䶢嘅食物。 湯水🥣 媽媽可以多飲魚湯、豬手、雞腳嚟增加奶量🍼,或清燉雞湯嚟補身(但無需每日都飲雞湯,避免上火),煲湯時可以用陳皮代替薑去調味。煲湯材料方面,淮山、杞子、芡實、蓮子、百合都係平性補陰嘅材料💆🏻‍♀️。

Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.