【坐月補身指引——溫補期🌿】



當媽媽嘅惡露排清,表面傷口癒合、冇出血嘅情況的話✨,就可以進入溫補期。溫補期以補血氣、健脾胃同幫助子宮修復係首要目標💪🏻,如果媽媽需要餵母乳的話🤱🏻,溫補期更需要加入有助上奶嘅食物。 同樣地,喺溫補期嘅菜單都係以營養豐富同均衡為主🥗🍳,盡量食用新鮮蔬果同肉類🥬🥩,更可以開始食薑醋,因為呢段時間媽媽需要補返生產時所流失嘅血氣💆🏻‍♀️。當歸、黨參、川芎、茯苓、准山、桂圓、南棗等食材都能夠補血氣,媽媽可以喺湯水同食物中適量加入👩🏻‍🍳,但千萬不能過量,否則會熱氣。 修補子宮方面🤰🏻,燕窩同花膠都係媽媽嘅好朋友,花膠嘅膠原蛋白同黏多糖能夠針對受損嘅子宮(特別係生完BB後👶🏻),增厚子宮內膜,亦含有豐富嘅鈣質和磷質,可以令媽媽快啲復原🏃🏻‍♀️,加上花膠本身含低脂肪同膽固醇,烹調得宜的話,係補而不膩嘅食物😋。所以以前嘅水上人家不論生活幾咁拮据🌊,但都一定會留啲花膠俾生完BB嘅產婦或做完大手術嘅人,因為對身體復原好有幫助!不過餵母乳嘅媽媽🤱🏻就最好因應自己嘅情況而決定以花膠補身,因為花膠屬於高蛋白食物,有機會出現塞奶管嘅情況🙏🏻。 如果因餵人奶而唔食得花膠嘅媽咪就考慮用燕窩補身🕊,燕窩含有嘅礦物質、氨基酸同膠原蛋白,唔單止有助產婦恢復體力同身體機能🧬,仲可以令母乳更有營養,因為燕窩獨有嘅唾液酸對BB嘅大腦細胞發展有良好作用🧠,令BB同媽媽變得聰明,能夠一石二鳥。而燕窩含有嘅表皮生長因子(EGF )可以刺激皮膚細胞再生🧖🏻‍♀️,舒緩媽媽最恐懼嘅妊娠紋同荷爾蒙斑,亦令皮膚更加白滑有彈性,由內靚到外😉。 最後提提大家💡,不論用邊種食材或方法調理,都必需持之以恆💁🏻‍♀️,因為無論補品幾有效,都唔會食一次就有驚人效果🙅🏻‍♀️,何況復原身體係一件需要耐性嘅事。如果係進補過程中有傷風、感冒或身體不適的話😷,就最好暫停一下,飲食都需要變得清淡🍚。


Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2018 The Maw Limited. All rights reserved.