【💭女人可以飲瑪卡湯嗎?】



之前寫到瑪卡有補腎益精嘅壯陽功效,引嚟唔唔少女士問呢個湯係咪淨係比男人飲,女人唔飲得架?


其實瑪卡對女士都有唔同嘅養身功效,瑪卡屬溫補嘅食材,含有豐富嘅鐵質、蛋白質同氨基酸,可以增強抵抗力、調節血液循環,能為月經後嘅女士補補,同時有暖宮嘅作用,適合陽虛、氣虛、宮寒嘅女孩子。


另外,瑪卡有抗衰老、養顏嘅功效,除咗因為佢能夠增加血液循環,令到面色更紅潤同有光澤,更因為佢含有嘅生物鹼有助調節荷爾蒙水平,維持卵子質素,養潤子宮,當子宮同荷爾蒙處於一個正常同平衡嘅環境下,皮膚都冇咁容易乾燥、鬆弛同生皺紋架。


受更年期症狀困擾嘅女士,都可以嘗試食瑪卡嚟調節返體內嘅荷爾蒙,舒緩症狀。除咗性荷爾蒙外,瑪卡更可以調節腎上腺素同甲狀腺素,加上含有黃酮類化合物,有助改善因壓力造成嘅焦慮同神經衰弱,改善睡眠質素,所以瑪卡係男女都適合。


不過提提大家,有甲狀腺問題嘅人士,服用瑪卡前最好諮詢一下自己嘅醫生或中醫師,另外因為瑪卡係屬於溫補嘅食物,本身燥熱或有便秘嘅人士,食用嘅時候可能要多加留意、小心食用嘅次數同劑量。


Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.