【想生BB係咪要食指定花膠先有用?🤔】



呢個問題相信困擾住唔少想生BB嘅人👶🏻👧🏻,其實喺中醫嘅角度,凡係花膠都有補腎益精嘅作用💪🏻,如果係因為腎虛而導致不孕(唔好怪哂啲男人🤦🏻‍♂️啊,女人都可以腎虛而不孕架🤦🏻‍♀️),花膠係其中一個助孕食物。 至於坊間流傳嘅白花膠🌸同雞泡魚膠🐡,相傳可以暖宮,然後助孕到底係咪真呢?由於唔想令大家覺得我係個長氣阿婆👵🏻,今次先講白花膠,下一篇會講雞泡膠。 先介紹一下白花膠先,白花膠係來自瀕臨絕種嘅石首魚,據説有止痛功效💉,特別適合手術後或生仔前食👩🏻‍⚕️👨🏻‍⚕️,不過講得佢瀕臨絕種,就知佢天價啦,買一斤係除時十萬八萬走唔甩💸💸。 好多國家都❌禁止咗捉石首魚,不過都仲係有漁民會以身試法偷偷地捉🔪,或者有人會再衰啲👿,搵其他花膠扮白花膠,高價發售,亦有人會自己養殖石首魚整白花膠,不過養殖嘅功效可能會稍遜📉。 而白花膠係咪真係可以令到生仔冇咁痛,或食完會身得好勁多呢???🔎答案係,我都唔知😆,再加上暫時都未有白花膠嘅科學研究👩🏻‍🔬,我好難實牙實齒話你知,所以如果有食過、比較過食普通花膠同白花膠分別嘅朋友仔😋,歡迎同我地分享下啦。 不過補身係要持之以恆🏃🏻‍♀️🏃🏻‍♂️,如果我話啲花膠一次見效都一定係呃你,所以要長期補身嘅話🤰🏻,用白花膠就未免奢侈咗少少✨,同埋老實講各種花膠嘅成份結構都係大同小異🔎,出嚟嘅效果未必有好大分別,除非你可以食足幾年做比較啦🤣。

Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.