【🥣用花膠治療崩漏🩸】



大家聽到「崩漏」覺得好陌生🤔,但你有冇成日聽到身邊嘅女性朋友成日呻嚟M量好多🤦🏻‍♀️、嚟到好似失血咁,或者一嚟月經會嚟超過7日,甚至要食止血丸先停到😢?


喺中醫嘅角度💁🏻‍♀️,經期時間長達差唔多兩周或以上🗓、血量多(每隔一兩個小時就要更換吸力特強嘅衛生巾)、月經完結後又再突然出血🩸,或突然出現血崩嘅情況都可以稱之為崩漏,而👩🏻‍⚕️西醫就叫佢做「功能失調性子宮出血」,其實以上情況好女仔都有,但唔少人都唔當佢係一回事🤷🏻‍♀️,不過崩漏嚴重的話可導致不育,甚至要刮宮治療,所以唔好睇輕呢個症狀🚨。


崩漏原因有好多,嚴重嘅可能係本身有子宮瘤或子宮內膜異位🤰🏻,輕微嘅可以係荷爾蒙分泌失調或受藥物影響,但當中有6成人係搵唔到原因🧐。如果在座有女孩子都係有崩漏嘅困擾,而且睇過醫生,🙅🏻‍♀️知道自己唔係因為婦科病而引致的話,其實可以嘗試食花膠調理返身體,😉唔係賣花讚花香,因為真係有同事試過食花膠食到成功擊退崩漏🏋🏻‍♀️。


話說早前小編本人就遇上2次崩漏,第一次經期長達差唔多四星期😰,睇過西醫都未搵到主因,👨🏻‍⚕️而睇中醫就被診斷為血熱型崩漏,最後就用止血丸加半個月中藥止血調理,但第二個月一嚟經又再發生血流不止嘅情況,而當刻身體連止血丸嘅效力都適應咗,點食都好似冇乜用咁🤷🏻‍♀️。


不過小編突然有日見到廚房嘅花膠十分肥美✨,又諗起花膠本身有止血、增厚子宮內膜同調理子宮嘅功效🌱,所以打算做下真人測試,燉咗一小塊食咗。而食完嘅當晚至第二朝,血量真係少咗好多👏🏻,變返正常,連續食咗兩日之後,月經都有驚無險地7日內完結😌。


如果你有出現經血量過多、流血不止,或月經日數過長的話😖,可以嘗試以花膠食療調理子宮同身體,因為除咗小編本人外,唔少客人嘅身子都越食越好💪🏻,好多小毛病都改善咗。不過提提大家💡,如果發現自己都出現崩漏嘅問題,最好睇咗醫生先👩🏻‍⚕️,確定自己冇任何婦科病,先好用食療調理身體,因為病向淺中醫啊🙏🏻,而本身體質屬於痰濕嘅人,就唔太適宜食花膠調理身體🙅🏻‍♀️,如有疑問的話,可以WhatsApp我哋問更多問題👩🏻‍🍳。

Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.