【雞泡膠包生B?👶🏻】



上回講完白花膠,又有人話雞泡膠可以調理子宮,個價仲係咁升,其實有冇用架🤔? 🐡雞泡膠因爲外型似子宮所以俾人喻為可以以形補形,調理女士身體同助孕🤰🏻。由於我地未開始做人體實驗,所以未知住😝。雖然網上面有好多人都吹捧雞泡膠嘅神效🌟,表示食用之後子宮機能好似好咗,甚至有bb👶🏻,但因為都未有研究🧪,或精密嘅實驗去比較普通花膠同雞泡膠嘅分別🔎,所以佢嘅特別功效仲係有待商榷。 不過大家喺買雞泡膠時要留意啦,記得搵可靠💪🏻、清楚來源嘅商店購買,因為早幾年食安中心曾經發現過有雞泡魚膠含河豚毒素🐡,食咗真係補唔到身不特止仲有損健康🤒,大家選購時要小心啊。 覺得雞泡膠貴,或唔敢食雞泡膠,但又想補補個子宮可以點呢?咁我都老實同大家講,飲少杯凍嘢係保護子宮嘅基本🥶!而堅果🥜、殼類食物嘅食物都可以保養子宮👐🏻,至於其他花膠嘅膠原蛋白都係可以增厚子宮內膜同修復子宮受損架❤️。 喺到再長氣地提提大家,所有嘅保健方法都係要持之以恆🏃🏻‍♀️🏃🏻‍♂️,唔係一次就會得咗咁神奇,同時進補要睇體質,有人係因為痰濕重而導致難以懷孕或不孕,就唔好食花膠進補啊🙅🏻‍♀️,如果唔了解自己身體狀況嘅朋友仔就記得問問中醫啦👩🏻‍⚕️。


Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.