【🙅🏻‍♀️手術後不能食的4種食物】



做完手術後🤕,大多數人都會小心翼翼,照顧因手術而變得脆弱嘅身體,所以對飲食會額外留意,以下嘅術後禁食食物清單🙅🏻‍♀️,適合俾剛開完刀嘅人參考。


1. 酒類或辛辣食物🥃🌶

飲酒同食辛辣食物都會令會血液循環得更快🩸、血管擴張,如果身上有傷口的話,更會令到傷口腫脹感到疼痛,甚至滲血,因傷口冇咁快癒合,更有可能會發炎💊。


2. 含咖啡因嘅食物☕️

咖啡因同樣地會影響血液循環,令到傷口充血同痕癢🥵,影響傷口癒合。另外,身體吸收太多咖啡因,會令到精神亢奮,影響睡眠同休息🛌,拖延康復進度。


3. 生魚湯🐟

以前年長一輩會認為生魚湯會令傷口埋口得快啲🌱,但就因為令傷口癒合得太快,所以會誘發疤痕增生🤐,生出肉芽及埋口埋得唔靚,有機會令傷口留低更大的疤痕,或即使傷口癒合後都會痕癢不適。


4. 行氣活血嘅補品🏋🏻

一啲活血化瘀嘅藥材🥣例如鹿茸、高麗參、當歸、紅花等,都唔適合剛做完手術後、處於血虛狀態嘅時候食用,否則會令身體血氣運行得太快,傷口部份再出血或發熱🤒。


另外,對於手術後應唔應該食牛肉🐄、蛋同海鮮🦞真係眾說紛紜,因為係西醫嘅角度👩🏻‍⚕️,病人係手術後、可以進食嘅情況下應該盡量吸收唔同嘅營養🥗,除咗上述食物外,都冇臨床嘅證據證明其他食物會對傷口有特別影響,反而過份嘅戒口會令到吸收嘅營養唔全面、營養不良反而康復得冇咁快🤢。


有唔好食牛肉、蛋同海鮮嘅說法,係因為以上食物容易令人過敏😷,如果剛做完手術或身上有傷時再敏感的話,對患者嘅負擔會好大,所以可免則免,但正常人的話其實可以各樣食物都試少許,再觀察自己嘅反應🔍,如果擔心的話,或做完手術後諮詢返主診醫生嘅意見就萬無一失啦👨🏻‍⚕️。

Contact Us:

Phone: +852 3705 3530

Whatsapp: +852 5793 8002

Email: hello@mawgarden.com

  • Grey Facebook Icon
  • Grey Instagram Icon

Copyright © 2020 The Maw Limited. All rights reserved.