【分清楚自己係宮寒定係宮熱🔎】



有唔少女孩子一見自己會M痛🙍🏻‍♀️、經血量多🩸、手腳冰冷❄️就一口咬定自己係宮寒,飲紅棗水、薑茶🍵,但點努力進補身體都好似冇變好。其實宮寒同宮熱嘅症狀都有少許相似🧐,但係處理方法大相徑庭⚠️,如果用錯方法亂咁調理,會令到身體反而更差。


不論宮寒還是宮熱,大家都係會有成日沾寒沾凍🌬。不過宮寒🥶嘅人係四肢同埋身體嘅軀幹,特別係小腹🤰🏻,都會易冷,而且會感受到有股寒氣由內而外散發出嚟☃️。至於宮熱🥵嘅人就有可能出現四肢冰冷或上熱下涼,或有人會淨係外露外則嘅皮膚冷🦵🏻,裡面嘅皮膚熱。


另外,如果你發現自己容易燥底😡、口乾、多夢、失眠😴、便秘🪨嘅情況,而舌頭顏色偏紅,再加上觀察到自己白帶偏黃有異味,月經量多但質地杰身,咁你好大可能係屬於宮熱人士🔥。相反,如果你易攰🥱、多汗😥、大便稀薄、成日想去小便、照鏡嘅時候發現自己黑眼圈好勁🐼同埋舌頭顏色偏白,而月經量少、顏色偏深色同暗,仲有大血塊的話, 咁你就好大機會真係屬於宮寒🧊。


因為我地現代人壞習慣多,例如鍾意飲凍嘢🍻、食熱氣嘢🍟、夜瞓、成日涼冷氣🤧、食一啲唔當造或唔啱季節嘅食物,身體可能會有「好似寒底,但其實熱底」,或寒底熱底集一身嘅情況都有🕵🏻‍♀️,所以如果身體問題嚴重嘅人,最好都係搵值得信任嘅中醫師認真睇睇👩🏻‍⚕️。至於宮寒同宮熱嘅人可以分別點樣調理🧘🏻‍♀️,因為篇幅有限,所以下一篇文會再講😉。

0 則留言

最新文章

查看全部