成日話想有BB就要做多啲運動🏃🏻♂️，其實中醫有講過「動能生陽」，適當嘅運動能夠增加陽氣，達至「壯陽」嘅效果🌻。喺西醫嘅角度，運動能幫助男性增加睪丸酮嘅分泌，令男士雄風大增💪🏻，而體內嘅睪丸酮不足，唔單止會令男士性慾減少、易攰、容易變肥，仲會影響生育🤦🏻♂️。
知道自己運動不足🙎🏻♂️，又想改善自己體內嘅睪丸酮水平，其實可以試下深蹲🏋🏻♂️。深蹲係一個易做又方便嘅運動，佢可以同時間運用到腹部、大髀🦵🏻、小腿、臀部、背脊等肌肉，適量嘅深蹲可以令以上部位肌肉更強而有力✨、改善新陳代謝及下身血液循環，促進睪丸酮分泌🧗🏻♂️，變得更有活力。
啱啱開始嘗試深蹲，除咗要注意姿勢是否正確🧐（雙腳打開同膊頭一樣闊👣，腳尖輕微向外，落去嘅時候腹部用力，好似想坐落一張凳咁坐落去🪑，小心膝頭哥唔好向內翻，仲有唔了解嘅地方可以上網睇片📹），仲要循序漸進，唔好為左短時間內有進步而過度運動🙅🏻♂️，傷害咗自己身體，如果身體情況唔適宜做深蹲，可以以跑步🏃🏻♂️、游水🏊🏻♂️、打波⛹🏻♂️等運動取代，總之運動之餘，記得要量力而為啊。