嘩！個椰子新鮮到連見慣世面嘅阿姨都忍唔住「嘩」一聲啊！有飲過椰子水南棗燉花膠嘅朋友❤️你嘅椰子水就係咁嚟啦！ 椰子水含有多種天然嘅維他命、礦物質、微量元素同膳食纖維，係營養豐富嘅超級食物，能夠補充體力，仲有美容功效👸🏻所以夏威夷人會叫椰子做「noelani」，即係由天上嚟嘅甘霖，而海南嘅當地人都會稱椰子水為「生命之水」。 椰子水入口清甜，喺中醫角度可以止暑消渴、補益脾胃、生津利水，適合經常體力勞動、想排毒同皮膚好嘅人。🇸🇬🇹🇭喺新加坡、泰國等熱帶國家，當地孕婦更流行喺懷孕嘅第8、9個月適量飲用椰子水去解胎毒，相傳可以令到BB皮膚較水潤同白淨👶🏻，冇咁易生粒粒同有濕疹。 椰子水性涼，再健康再好飲都要適可而止啊！而本身係寒底、容易經痛、脾濕重嘅人就唔好亂飲🚫，如果真係有疑問，或唔清楚自己係咩體質嘅人，特別係孕婦🤰🏻，就最好問清楚自己嘅中醫師先啦👩🏻⚕️👨🏻⚕️